藝人洪永城（Tony）與湯洛雯（靓湯）爲劇集《丫鬟大聯盟》宣傳，提到拍檔黃心穎，靓湯稱：“之前有太多新聞，唔想呢個時候畀太多訊息佢，畀啲空間佢。”Tony指心穎有在群組祝大家新年快樂及希望劇集首播有好成績。講到他有兩劇正在播出，問會否怕觀衆看厭？他笑言不怕，因爲自己很多元化：“我有好多唔同性格，而且每套劇都唔同年代，身邊嘅拍檔又唔同。（怕觀衆睇厭定怕女友厭多啲？）女友想見多啲。呢個時候要宣傳劇集，同觀衆見面重要啲。”
另外，Tony大贊湯靓在劇裏劇外都是好丫鬟，因爲她經常會幫手相約演員聚會，又指她是好老婆人選，湯靓大爆：“佢成日問我有冇拍拖，我梗系話冇，佢話谂嚇有冇人介紹，其實佢唔系第一個人話介紹男仔畀我識，好似劉思希同譚俊彥。（最後有冇介紹？）冇，因爲我唔出街。”Tony笑言自己的同性朋友都不喜歡出街，湯靓聞言說：“咁大家喺各自屋企face time啦！”
Tony稱有努力爲對方物色對象，又搞爛gag指靓湯欠缺的是“靓湯唔識煲靓湯”，靓湯即反擊指自己叻煲湯。靓湯表示近日做節目，堪輿學家指她紅鸾星動，她無奈地說：“其實年年都話我紅鸾星動，從來唔會話我冇桃花，今年仲話我有喜事，不過我想專注工作先，我唔急。”
